Se non podes ver ben este boletín, preme aquí

Mércores, 04/02/2026

Segue as nosas recomendacións e cóidate: o 90% dos casos de ictus pódese previr

'Cóidate: o 90% dos casos de ictus pódese previr' é o título do primeiro artigo do ano no marco da nosa colaboración con Consumer, a revista dixital de Eroski. Súmase, ademais, este mes, outra sinerxía: a que nos vincula coa Asociación Galega de Enfermería Familiar e Comunitaria (AGEFEC), e é que o artigo está asinado pola nosa técnica de Formación, Noelia Rivadas, xunto co membro de AGEFEC Eduardo Coto. A dúas mans, insisten nos principais factores de risco do ictus e en como manexalos.

Os obradoiros sobre o dano cerebral en escolas formaron en 2025 máis de 400 nenos e nenas

As sesións, que se impartiron en 15 centros doutros tantos concellos, baseáronse na nosa guía Os Bolechas e na iniciativa Fast Heroes.

Os concellos de Piñor (onte) e Allariz (hoxe ás 12:30) acollen as primeiras charlas do ano

En 2025 asistiron ao ciclo 'Aproximación ao dano cerebral adquirido' 232 persoas de 17 concellos situados nas catro provincias.

20 anos da Convención de Nacións Unidas sobre os Dereitos das Persoas con Discapacidade

O CERMI Estatal lanza unha campaña de toma de conciencia por este aniversario e reclama que "sigamos avanzando" no exercicio de dereitos.

Chévere estrea en febreiro a obra 'ICTUS (a derradeira leición do Dr. Castelao)'

A obra contou co asesoramento de Dano Cerebral Galicia e fíase arredor dunha personaxe que ten a nosa discapacidade.

AS NOSAS ASOCIACIÓNS

O boletín da asociación coruñesa salienta os avances na construción do seu novo centro en Eirís e anuncia novas formacións sobre o uso de ferramentas de valoración para persoas con dano cerebral.

Xogos de construción para celebrar o Día Internacional do Lego en Dano Cerebral Lugo. Unha mañá diferente empregando outra maneira de estimular a mente e a imaxinación, traballar as habilidades manuais, e moito máis.

A Escola DCA de Alento iniciou as súas actividades de 2026 cunha charla formativa sobre "teleasistencia e outros recursos" impartida cor Cruz Vermella Vigo que contou coa presenza de 70 persoas.

A Deputación provincial realizou unha visita institucional á asociación DCA Ourense. O presidente, a deputada de Políticas Sociais e o director de Benestar coñeceron máis de preto a realidade e abordaxe do dano cerebral.

Queres colaborar con Dano Cerebral Santiago de Compostela? As doazóns, xa sexa en cotas de socios, axudas puntuais ou colaboracións, poden desgravar ata un 80% do diñeiro achegado. Poden facerse desde a web.

Escola Dano Cerebral Galicia en marcha

Dano Cerebral Galicia programou o seu primeiro ciclo de formacións online do ano, cos cursos: Apoio no fogar de persoas con dano cerebral adquirido (febreiro); Alimentación, deglutición e nutrición. Abordaxe no dano cerebral (marzo, prazas libres); e Sexualidade e dano cerebral adquirido (abril, prazas libres).

Formación

Organizamos accións formativas, presenciais e online, dirixidas tanto ás persoas que realizan coidados no eido domiciliario como a diferentes perfís profesionais do eido sociosanitario, así como a alumnado de FP ou universitario das variadas disciplinas implicadas na atención ás persoas con esta discapacidade.

Dano Cerebral Galicia

Rúa Galeras, 17, 2º, oficina 5 - 15705 Santiago de Compostela

881 943 148 • 659 177 709

Darme de baja