Se non podes ver ben este boletín, preme aquí

Mércores, 04/12/2024

A Xornada sobre o Dano Cerebral reivindicou a autonomía persoal como centro do modelo de dereitos

Preto de 90 persoas, entre representantes institucionais, integrantes do movemento asociativo do dano cerebral e profesionais de distintas entidades e eidos sociosanitarios, asistiron o pasado 9 de novembro á 'Xornada sobre o Dano Cerebral: dende o asistencialismo ao pleno exercicio de dereitos'. Ademais da conferencia de Inmaculada Gómez e das distintas mesas, sobre historia da abordaxe e da atención ao dano cerebral, así como de iniciativas cun enfoque de dereitos, na Xornada asistiuse á entrega do 12º Premio Dano Cerebral Galicia - Miguel Blanco ao CPAP de Bergondo, que recolleu o seu director, Franciso Nieto.
Presentamos aquí unha crónica do encontro e dispoñibilizamos os vídeos completos de todas as intervencións.

AENOR certificou que Dano Cerebral Galicia dispón dun Sistema de Xestión da Calidade

A súa implantación, de acordo coa norma ISO 9001, alíñase coa orientación á transparencia e á mellora continua da Federación.

Recollemos o Premio Vitalia-Senda agradecendo a visibilización do DCA

Luciano Fernández salientou a aposta pola transformación do modelo de atención residencial para adaptarse ao colectivo. Aquí hai máis información sobre a concesión do galardón.

Reunión co delegado do Goberno para presentar as demandas das persoas con dano cerebral

Pedro Blanco recolleu as nosas principais necesidades nunha xuntanza co presidente, a vogal e a directora de Dano Cerebral Galicia.

Día da Discapacidade: baixo o mesmo paraugas por unha sociedade diversa e inclusiva

O noso paraugas trae este ano unha mensaxe de prevención da principal causa do dano cerebral adquirido: o ictus.

A vivenda digna e adecuada como dereito fundamental para a vida independente

O manifesto do Movemento CERMI polo Día das Persoas con Discapacidade reclama fogares accesibles, alcanzables e inclusivos.

AS NOSAS ASOCIACIÓNS

A colaboración co CITIC encabeza o boletín de Dano Cerebral A Coruña ADACECO, que tamén inclúe unha chea de información de Nadal, como a crónica do xantar de socios e socias e o anuncio de venda de lotaría da asociación.

Dano Cerebral Lugo vén de renovar a súa colaboración coa Fundación Breogán no Proxecto Persoas. Diríxese a menores de 21 anos e procura difundir a práctica do baloncesto adaptado, con adestramentos cada semana.

Proxecto de benestar físico para persoas con dano cerebral adquirido: unha iniciativa da área de Calidade de Vida para coñecer e controlar o corpo, fomentando a autonomía persoal.

DCA Ourense emprega o xogo como técnica para promover a rehabilitación, neste caso, a nivel de logopedia. DCA Ourense atende a máis de 40 persoas con dano cerebral adquirido nesta área.

Dano Cerebral Santiago de Compostela organizou unha xuntanza de familias que participaron nun obradoiro de baile e nun xantar para celebrar o Día das Persoas Coidadoras.

Recomendación de lectura: 20 artigos da nosa colaboración con 'Consumer'

No mes de novembro publicouse a última colaboración do ano coa revista dixital Consumer, de Eroski: 'Historia(s) do dano cerebral adquirido', un artigo asinado pola directora de Dano Cerebral Galicia, Leticia Vila, inspirado na Xornada sobre o Dano Cerebral, no que traza un percorrido sobre a nosa discapacidade dende a Antigüidade ata os nosos días. Con este texto son xa 20 as colaboracións coa publicación, iniciada en 2021. O listado completo de artigos pode consultarse aquí.

Plan de Igualdade: recursos accesibles para detectar e previr a violencia de xénero

No marco das accións de Transparencia, dentro do apartado de 'Modelo de xestión', atópase a nosa 'Política de igualdade', onde, entre outros documentos, pódese descargar o Plan de Igualdade de Dano Cerebral Galicia. Este 25 de novembro, Día da Eliminación da Violencia contra a Muller, publicamos, por mandato do Plan, unha relación de recursos accesibles para a detección e prevención da violencia machista que se pode consultar xunto co manifesto da Fundación CERMI Mujeres.

Dano Cerebral Galicia

Rúa Galeras, 17, 2º, oficina 5 - 15705 Santiago de Compostela

881 943 148 • 659 177 709

Darme de baja