Se non podes ver ben este boletín, preme aquí

Mércores, 05/02/2025

Consulta e descarga o Plan Estratéxico 2025-2028 de Dano Cerebral Galicia 

O recen estreado Plan Estratéxico de Dano Cerebral Galicia conta con cinco liñas estratéxicas, outros tantos obxectivos estratéxicos, 12 obxectivos operativos e unha previsión de 53 accións que colaborarán para o seu cumprimento, xunto con 43 indicadores de seguimento. Estes divídense entre os de proceso -anuais, vinculados ás programacións operativas-, de produto -relacionados tamén co POA, así como coas avaliacións intermedias-, e de efecto -cos que se medirán os resultados finais-.

Vai rexer o labor da Federación desde 2025 a 2028, orientándose a "promover o coñecemento e para mellorar a calidade de vida e o pleno exercicio de dereitos das persoas con dano cerebral adquirido e da súa contorna". O novo Plan Estratéxico foi elaborado co apoio de Análisis y Desarrollo Social Consultoría, grazas ao labor dun grupo de traballo constituído con persoal técnico e membros da Xunta Directiva da Federación e das súas asociacións.

Novo artigo en Consumer: modelos de vida independente o dano cerebral adquirido

A primeira colaboración do ano co dixital de Eroski desenvolve esta cuestión, centrándose no dereito á asistencia persoal.

Inés Cortés impartiu unha sesión informativa sobre realidade virtual na rehabilitación do DCA

A docente é terapeuta ocupacional de Dano Cerebral A Coruña ADACECO e compartiu a súa experiencia con 15 profesionais das asociacións.

A nova Lei de cultura inclusiva conta co obxectivo de "garantir a accesibilidade universal"

A Xunta ten dous anos para crear o Observatorio da Cultura Inclusiva e Accesible de Galicia, que velará polo cumprimento da norma.

AS NOSAS ASOCIACIÓNS

Dano Cerebral A Coruña e Senior Lingua únense para conectar estudantes con persoas con DCA. A plataforma de conversa facilita o contacto entre persoas que queren practicar castelán e outras que buscan unha boa charla.

Dano Cerebral Lugo pon en marcha o proxecto de acción ambiental 'Axentes verdes'. A proposta dun grupo de persoas usuarias, a entidade trazou unha folla de ruta para introducir novas prácticas sustentables.

Alento lanza 'Vigo accesible' un grupo de persoas con dano cerebral adquirido que ten como obxectivo informar e concienciar sobre a accesibilidade na contorna e nos espazos públicos da súa cidade.

Circuíto de exercicios nas mañás do centro de día terapéutico de DCA Ourense. A actividade física emprégase para manter ou recuperar o ton, a coordinación e outras habilidades tralo dano cerebral adquirido.

Obradoiros de música en Dano Cerebral Santiago de Compostela no marco do proxecto Euterpe_adn, que busca comprender a relación molecular entre os xenes e os estímulos externos.

Curso 'Sexualidade e dano cerebral'

Dano Cerebral Galicia está a desenvolver un curso sobre 'Sexualidade e dano cerebral adquirido' a través da súa plataforma de teleformación, a Escola Dano Cerebral. De 50 horas de duración, cun mes de prazo para a realización, o curso encheu as súas 30 prazas en dous días. Proximamente anunciaranse novas datas de convocatoria e máis temáticas formativas.

Transparencia

Ao igual que facemos público o noso Plan Estratéxico, dispoñibilizamos tamén diferentes documentos de rendición de contas, como as memorias ou auditorías, convenios de colaboración, regulamento, marco de Calidade ou de Igualdade... Nun esforzo pola Transparencia, que é un dos valores estatutarios que rexen o funcionamento de Dano Cerebral Galicia.

Dano Cerebral Galicia

Rúa Galeras, 17, 2º, oficina 5 - 15705 Santiago de Compostela

881 943 148 • 659 177 709

Darme de baja