Se non podes ver ben este boletín, preme aquí

Mércores, 02/07/2025

A 4ª Carreira e Andaina Solidaria #25AnosPoloDanoCerebral vai percorrer Navia (Vigo) este domingo

A veciñanza de Navia, todos os vigueses e viguesas, e a cidadanía galega en xeral, está chamada a percorrer as rúas do barrio que é sede de Alento este domingo 6 de xullo na 4ª Carreira e Andaina Solidaria Camiñando Polo Dano Cerebral, que este ano celebra, ademais os 25 anos das nosas tres asociacións decanas. Se non te inscribiches, tes ata hoxe ás 23:59 hh para facelo na plataforma Magma Sports. E se non podes asistir, o Dorsal 0 vai permanecer aberto ata o domingo. Hai ducias de trofeos, medallas, agasallos e sorteos, contando entre eles unha camiseta do RC Celta asinada!

Laboratorio creativo: 44 persoas con dano cerebral fórmanse en técnica fotográfica

Fuco Reyes impartiu tres obradoiros artísticos en cada asociación; co material elaborado artellarase unha exposición en outubro.

O ictus consolídase como terceira causa de morte en España, e segunda entre as mulleres

O INE publicou a Estatística de defuncións de 2024, que leva as doenzas cerebrovasculares ao cuarto motivo de falecemento en Galicia.

Visibilidade, dereitos e dignidade para as personas LGTBI+ con discapacidade

O Manifesto do Orgullo 2025 do Movemento CERMI está encabezado polo lema "por unha igualdade real" e salienta a ruralidade.

Doce demandas para evitar a exclusión residencial na campaña #EmerxenciaVivenda

EAPN Galicia dedica aos desafiuzamentos o #DoceMesesDoceDemandas de xuño; estes medraron en 2024 en Galicia.

AS NOSAS ASOCIACIÓNS

Impúlsame presenta a plataforma de rehabilitación Kuracy en Dano Cerebral A Coruña. O software permite traballar a mobilidade física e aspectos cognitivos empregando a realidade virtual e leva meses probándose na asociación.

Dano Cerebral Lugo organizou un picnic no Miño para darlle a benvida ao verán. Ademais do xantar e da festa, contaron cun obradoiro sobre o mundo da apicultura realizado por Mel Toxial Riba.

Unha representación dos grupos de Vigo Accesible e Obradoiro Cognitivo de Alento visitou a Illa de San Simón para avaliar a súa accesibilidade física e cognitiva, garantindo que outras persoas poidan ir máis adiante.

Adestramento con DCA Ourense: como poñer e sacar a chaqueta cun só brazo. A área de terapia ocupacional da entidade ensina a vestirse de xeito autónomo cando o dano cerebral adquirido deixa secuelas físicas.

O sábado 5 de xullo todas as persoas que o desexen poderán celebrar con Dano Cerebral Santiago de Compostela '25 Anos de retos superados' na foliada que organizan no campo da festa do Castiñeiriño.

Discamino apóiate na Andaina

Discamino, 10º Premio Dano Cerebral Galicia - Miguel Blanco (2022), pon a disposición de Dano Cerebral Galicia o seu voluntariado e vehículos adaptados para facilitar a participación na Andaina. Se tes dano cerebral adquirido ou calquera outra discapacidade e precisas do seu apoio para participar na andaina, de 5,5 km, podes solicitalo chamando ao 881 943 148 ou enviando un correo a info@danocerebralgalicia.org.

Prevención do dano cerebral adquirido

O dano cerebral adquirido é unha discapacidade adquirida que pode chegar á vida dunha persoa en calquera momento. Con todo, as súas causas, xa sexan doenzas ou traumatismos, pódense previr na maioría dos casos. Uns hábitos de vida saudables, como os que promove a nosa carreira e andaina, evitando o sedentarismo, poden evitar o 90% dos casos de ictus.

Dano Cerebral Galicia

Rúa Galeras, 17, 2º, oficina 5 - 15705 Santiago de Compostela

881 943 148 • 659 177 709

Darme de baja